Ինչո՞ւ են վիժում առողջ կանայք

Ամերիկյան Վերմոնտ քաղաքի համալսարանի գիտնականները հայտնաբերել են մարդու արյան երկու նոր խումբ. նոր խմբերի պատասխանատուն են երկու սպիտակուցներ: Գիտնականներն իրենք էլ ուղղակի ապշած են հայտնագործությամբ, քանի որ նախկինում համարվում էր, որ մարդն ունի արյան հիմնական չորս խումբ: Ճիշտ է, արյան փոխներարկողների միջազգային կազմակերպությունը հավելյալ 28 խումբ է առանձնացնում, սակայն այս հայտնագործությունից հետո, փաստորեն, դրանց ցանկը պետք է վերանայվի:

«Ուտրո.ռու»-ի հաղորդմամբ, արյան նոր խմբերը ստացել են Լենջերիս (Langereis) և Ջունիոր (Junior) անունները:
Սակայն կարևորն այն է, որ այս հայտնագործությունը հնարավորություն կտա պատասխանել որոշ հարցերի, որոնց նախկինում բժշկությունը պատասխաններ չուներ: Այդպես, արդեն իսկ գիտնականները, օգտվելով բացահայտված սպիտակուցների հետազոտությունից, կարողացել են բացատրել առողջ կանանց հղիության ընդհատման` վիժման երևույթը. պարզվում է, պատճառը մոր և պտղի իմունային անհամատեղումն է:

Պրոեկտի ղեկավար Բրայան Բալիֆը նշում է, հնարավոր է գոյություն ունեն ևս 10-15 արյան անհայտ խմբեր , այսինքն` այս բացահայտումը վերջինը չէր:

Հարցեր, պատասխաններ, մեկնաբանություններ